Úsáid DO GHRIANGHRAF FÉIN mar bhunús do phictiúr🐮

Má tá grianghraf agat cheana féin, nó má tá sé ar intinn agat roinnt pictiúr a ghlacadh go speisialta don saothar péintéireachta, is féidir liom d’íomhánna a úsáid chun pictiúr tarraingteach dílis a chumadh.

–        Beidh mé in ann oibriú le haon ghrianghraf atá grinn, soiléir, agus ar mhéid réasúnta.

–        Is cuma de ghnáth má bhíonn an cúlra gnóthach nó míthaitneamhach, nó mura dtaitníonn gnéithe eile de do ghrianghraf leat. Is féidir cúlra de shaghas ar bith, le haon réimse dathanna, nó meascán d’íomhánna ó ghrianghraif éagsúla a chur sa saothar deiridh.

–        Go bunúsach, tá go leor roghanna ann maidir le conas a d’fhéadfainn an leas is fearr a bhaint as do chuid grianghraf – táim sásta i gcónaí smaointe a phlé gan aon oibleagáid.

–        Nuair a bheidh an grianghraf /na grianghraif seolta chugam (trí ríomhphost nó tríd an bpost) chomh maith le haon treoracha / smaointe, beidh mé in ann iad a mheas ansin agus a chinntiú go bhfuil siad oiriúnach ó thaobh caighdeáin / méide srl.

–        Beidh éarlais, 50% den chostas iomlán, uaim chun tosú ar an phictiúr.

CUAIRT PHEARSANTA le Kelly Hood chun staidéar a dhéanamh ar d’Ábhar, mar ullmhúchán do phictiúr

Is fearr liom i gcónaí cuairt a thabhairt ar ábhar go pearsanta. Tugann sé sin deis dom tuiscint fhíormhaith a fháil ar mhionphointí agus ar charachtar d’Ábhair.

–        Is é mo rogha i gcónaí cuairt a thabhairt ar ábhar go pearsanta. Tugann sé sin deis dom tuiscint fhíormhaith a fháil ar mhionphointí agus ar charachtar d’Ábhair.

–        Sa stiúideo, déanfaidh mé beachtú ansin ar chomhdhéanamh agus ar ábhar an phictiúir atá beartaithe, agus seolfaidh mé dréacht chugat le léargas garbh ar an bpictiúr críochnaithe, le do cheadú a fháil.

–        Nuair a bheidh an pictiúr críochnaithe, seolfaidh mé cóip de chugat lena cheadú. Má gá athruithe a dhéanamh, déanfar iad agus cuirfear an saothar ar aghaidh chugat arís le profáil.

–        Tar éis plé tosaigh a dhéanamh ar an bhfón/ríomhphost, luafaidh mé praghas seasta nó praghas measta leat, má bhíonn do mhianta soiléir ag an bpointe sin.

–        Beidh éarlais, 50% de chostas iomlán an tsaothair phéintéireachta, uaim chun tosú ar an phictiúr.